Մաթեմատիկան պետք է սիրել նրա համար, որ կարգի է բերում մեր միտքը:

Ուսումը կանոններն է սովորեցնում, փորձը` բացառությունները:

Մաթեմատիկան գիտություն է,իսկ թվաբանությունն` իմաստություն:

Ոչ հստակ մտքերի համար մաթեմատիկական սիմվոլներ չկան:

воскресенье, 9 июля 2017 г.

Հուլիսյան նախագծեր


2017-2018թթ.
Ուսումնական տարի
Հուլսիյան աշխատանքներ:





2017-2018թթ. ուսումնական նախագծեր

2017-2018թթ.
Ուսումնական նախագծերի մեկնարկ

Նախագիծ 1. Բազմանիշ թիվ, թվի բնութագրումը:

Մասնակիցներ` 4-րդ, 5-րդ  դասարաններ:
Նախագծի ժամկետը- երկարաժամկետ:
Նախագծի հիմնադրությները:


  • Կարևորվում է ուսուցման բովանդակության գործնական-կիրառական ուղղվածությունը, առաջին հերթին` առօրյա կյանքում:
  • Նախորդ ուսումնական տարվա գիտելիքի ստուգում, վերհիշում:
  • Մաթեմատիկայի ուսուցման գործընթացում հասնել առավելագույն արդյունավետության՝ հատկապես չափորոշչային նվազագույն շեմի հաղթահարման առումով:
  • Դասապրոցեսում օգտվում են ՏՀՏ-ից, համացանցից: 
  • Կազմակերպվում են տարաբնույթ խմբային աշխատանքներ:
  • Սովորողի կողմից հետազոտական աշխատանքի կատարում, ինքնադրսևորվելու հնարավորություն:
  • Հերթական Էլեկրտրոնային փաթեթի  ստեղծում:
  • Գնահատումը ըստ բլոգում կատարված աշխատանքի:
Գրականություն:
Սոկրատ Մկրտչյան-4-5-րդ դասարան
Էմեկտրոնային դասագրքեր



Մաթեմատիկական նախագիծ2. 
Ուսումանկան ֆլեշմոբեր


           Մաթեմատիկական ֆլեշմոբը կրթահամալիրում և կրթահամալիրից դուրս
Նախագծի ժամկետ— երկարաժամկետ, մեկ ուսումնական տարի
Մասնակիցներ— կրտսեր դպրոցի սովորողներ,  դասավանդողներ, ընտանիքներ
Նպատակ—  նույն օրը, նույն ժամին, բոլոր մասնակից  սովորողները, նրանց ընտանիքները կլուծեն մաթեմատիկական խնդիրներ։
  • տրամաբանական, լեզվական մտածողության զարգացում,
  • դիտարկելու, կռահելու, եզրակացություն անելու կարողության զարգացում,
  • ուշադրության, հիշողության, աշխատասիրության, նպատակասլացության զարգացում,
  • նոր խնդիրներ հորինելու կարողության ձևավորում,
  • մեդիահմտությունների զարգացում
  • Ընտանիքին ներառել դպրոցական կրթությանը, մասնակից դարձնել ուսումնական գործընթացին,
  • թիմով ընդհանուր խնդիրներ լուծելու, խմբով աշխատելու կարողությունների զարգացում:

Նախագծի իրականացման նկարագրությունը
Նախագծի  անցկացման  ձևերը.
  • Ինքնուրույն  կամ խմբային  աշխատանք
  • Դասարանում խնդիրների քննարկում
  • Մրցույթ, երկու ամիսը մեկ անգամ հաղթողների հետ
  • Ֆլեշմոբի մասնակիցների վերլուծություն

Բանավոր խնդիրներ լուծելու ֆլեշմոբ / ինքնուրույն և
խմբային  աշխատանք
/
Նախատեսում եմ տարբեր հետաքրքրաշարժ խնդիրներ, խաղեր կազմել, թարգմանել՝ հաշվի առնելով սովորողների տարիքային առանձնահատկությունները։
Ֆլեշմոբին կարող են մասնակցել ոչ միայն մեր կրթահամալիրի սովորողները, այլև այլ կրտսեր դպրոցների սովորողներ, կազմակերպում են կրթահամալիրի սովորողները։

Ընտանեկան ֆլեշմոբ
Շատ առաջնային ու կարևոր խնդիր է ընտանիքին ներառել դպրոցական կրթությանը, մասնակից դարձնել ուսումնական գործընթացին։
Սա հրաշալի առիթ է ծնողներին, տատիկ-պապիկներին ներգրավվելու համար։
Ֆլեշմոբի ընթացքում ընտանիքի բոլոր անդամները զբաղված կլինեն խնդիր լուծելով: Ցանկացողները կարող են հավաքվել ընտանիքներով:

Խնդիրը նկարել, հորինել և ուղարկել ընկերներին․Հաջորդ աշխատանքը, որ պետք է կատարենք, կնպաստի սովորողների ստեղծագործական երևակայության զարգացմանը։
Տարվա ընթացքում սովորողները կմուտքագրեն իրենց հորինած խնդիրները։ էլեկտրոնային հասցեի միջոցով կուղարկեն ֆլեշմոբը կրթահամալիրում կազմակերպողին` Արման Երանոսյանին: Խնդիրները կտեղադրենք նաև դասարանական բլոգում և facebook  սոցիալական ցանցում, որպեսզի կարողանան այլ դպրոցի սովորողներ էլ մասնակցել։

понедельник, 3 июля 2017 г.

Իմ դպրոցը կախարդական է

Տիգրան Խաչատրյան
Առաջին դասարան

вторник, 27 июня 2017 г.

Մաթեմատիկական ֆլեշմոբ

Բարի օր, սիրելի  սովորող։
 «Մաթեմատիկայի, ծրագրավորման, սեղանի և համակարգչային խաղերի» մասնագիատական խումբը սիրով տեղեկացնում է, որ ապրիլի  28-ին՝ ամսվա վերջին չորեքշաբթին օրը, հերթական մաթեմատիկական ֆլեշմոբի օրն է։ Առաջադրանքները կտեղադրվեն mskh.am և emath.mskh.am կայքերում: Պատասխանները կընդունվեն մինչև 00:00-ն: Ակնկալում եմ  ձեր բուռն մասնակցությունը, խնդիրների լուծման ձեր տարբերակները, մոտեցումները։

Ուսումնական ֆլեշմոբեր

Ուսումնական ֆլեշմոբեր:
Մաթեմատիկակակ ֆլեշմոբ







Կարինեն փայտիկներով գրեց` 11+1=10(տե՛ս նկարը):  Փայտիկենրը  թղթին սոսնձելուց հետո  նկատեց, որ հավասարությունը սխալ է գրել: Ինչպե՞ ս ուղղի հավասարությունը, առանց փայտիկները թղթից պոկելու կամ ավելացնելու:

Լուծում`
Պետք է թուղթը շրջել`
Պատասխան` շրջել թուղթը:

воскресенье, 25 июня 2017 г.

Ամառային առաջադրանքների փաթեթ-2017թ.



Աշխատանքը նախատեսված է 4-5 -րդ դասարանցիների համար:


Հետաքրքրաշարժ խնդիրներ նախորդ ամիսների մաթ. ֆլեշմոբներից`
Մաս-1
Մաս-2 

Ստանդարտ խնդիրներ:
4-րդ դաս.
5-րդ դաս.

вторник, 20 июня 2017 г.

Ամառային ճամբար, երկրորդ օր

Մանկավարժական աշխատողների ճամբար, երկրորդ օր

Այսօր էլ, ինչպես մանկավարժական ճամբարի առաջին օրը, աշխատանքը  սկսեցինք  նախապես սահմանված աշխատաժամանակով:
Այսօրվա քննարկման թեման էր  կրթահամալիրում իրականացվող   «Նախագծային ուսուցումը. հաջողությունները, խնդիրները»: 
 Մասնագիտական խմբով սկսեցինք քննարկումը, նշեցինք, որ ամենահաջողված նախագծերը եղելեն «Մաթեմատիկական ֆլեշմոբերը» , «Բանավոր մաթեմատիկան»  կրտսեր դպրոցում, հետո սկսեցինքնախագծերի վերաբերյալ հաջողված հոդվածներ, թարգմանություններ ընտրել «Դպիր»-ից, երկարատև դադարից հետո, պարզվեց,որ բոլորս ակամայից կարդում ենք նույն հոդվածը` Գևորգ Հակոբյանի  վերջին թարգմանությունը  Ջորջ Փոյայի աշխատանքների վերաբերյալ: Այնուհետև հաջորդեց խառը մասնագիտական խմբերով պարապմունքը, մեր նախորդ պասիվ պարապմունքից հետո, ի զարմանս ինձ, այս պարապմունքը շատ ակտիվ էր, հայերենի մասնագետները խոսում էին հայերենից իրականացվող  նախագծերի մասին, այդ ամենի իրականացման համար ժամանակի սղության մասին, և հանկարծակի առաջացող նախագծերից` օրինակ  «Գետը քաղաքի մեջ» նախագծից, որը թերևս ամենահաջողվածն էր կրթահամալիրում, ամեն դեպքում ինձ  հետաքրքիր էր լսել նրանց կարծիքները:
Օրվա ամենահետաքրքիր մասն ինձ համար, ընկերովի ճաշելուց բացի,  տիար Գևորգի հետ տարբեր խնդիրների լուծման եղանակների, մեթոդների  քննարկումն էր: Մեծ սիրով և անհամբերությամբ եմ միշտ սպասում այդ ժամին, քանի որ տիար Գևորգը այնպիսի հնարամիտ լուծումներ  է առաջարկում բարդ խնդիրներին, որ բոլորիս առաջին հայացքից սուտ է թվում, այսօր վերջապես պարզեցի,  որ այդ մեթոդների հեղինակը իմ շատ սիրելի ուսուցիչ Հակոբ Հակոբյանն է եղել. այդ մեթոդները  հիմնականում կիրառում են ֆիզիկոսները:
Շնորհակալ եմ  հետաքրքիր օրվա համար: