Մաթեմատիկան պետք է սիրել նրա համար, որ կարգի է բերում մեր միտքը:

Ուսումը կանոններն է սովորեցնում, փորձը` բացառությունները:

Մաթեմատիկան գիտություն է,իսկ թվաբանությունն` իմաստություն:

Ոչ հստակ մտքերի համար մաթեմատիկական սիմվոլներ չկան:

суббота, 29 апреля 2017 г.

Գործուղում Մարգարա գյուղի միջնակարգ դպրոց

Ապրիլի 28. 2017թ.

Ապրիլի  28-ին, ես , իմ  գործընկերները  և մի խումբ սովորողներ ուղևորվեցինք Մարգարա գյուղի միջնակարգ դպրոց: Այս անգամ  մեզ միացել էին նաև   ավագ դպրոցի սովորողները: 
 Ճանապարհին կանգ առանք Սև ջուր գետի մոտ, քանի որ լաբորատոր փորձի համար մեզ անհրաժեշտ էր ջրի տարբեր  նմուշներ: Տեսնելով գետը,  կրտսեր սովորողների մոտ միանգամից հարց առաջացավ,  կապված է արդյո՞ք այս   գետը  Հրազդան գետի հետ: Այս ճանապարհորդությունը իսկապես դարձավ ճանաչողական, քանի որ նախապես գծված քարտեզում, մենք այս գետը  չէինք էլ  նկատել: 


 Վերցնելով գետից  ջուրը, մեր ճանապարհը   շարունակեցինք:  
Այս անգամ մեր հանդիպում Մարգար գյուղի դպրոցի սովորողների հետ այլ էր,  ավելի հարազատ ու ջերմ էր:Անընդհատ լինելով նամակագրական կապի մեջ, տեսնելով նրանց, մի պահ կարծեցի, թե  իմ սովորողներն են:
Մարիամը և Անուշը հարցազրույց վերցրին այնտեղի բնակիչներից, իսկ այդ ընթացքում մենք հեռվից նայում էինք Արաքս գետին  ու երազում լինել ափին հնարավորինս մոտ:
Մի քիչ էլ  ջուր այնտեղի  ջրհորից վերցրինք  և մտանք դպրոց:
Շատ ուրախացանք, երբ տեսանք դպրոցում մեր կրթահամալիրի անունը գրված և փակցված  պահարանին, որտեղ տեղադրված էր մեր նախորդ այցի ժամանակ նվիրած լաբորատոր նյութերն ու  սրվակները : 

Այս ամենը տիկին Վեներան տեսնելով`  էլ ավելի ոգևորված ներկայացրեց ջրի ֆիզիկաքիմիական հատկությունները: Շատ տպավորիչ էր բոլորիս համար, որ տնային պայմաններում կարելի ստուգել ջրի աղտոտվածությունը, թթվայնությունը:
 Հայտորոշիչ նյութերով ուսումնասիրեցինք մեր մոտ եղած ջրի բոլոր նմուշները: Պարզեցինք, որ Սև ջուր գետի ջուրը չափազանց աղտոտված է, իսկ այնտեղի ջրոհորինը`   օգտակար չէ խմելու համար: Տիկին Վեներան, այս անգամ նույնպես  դպրոցին հանձնեց  մի քանի անհրաժեշտ նյութեր հետագա փորձերի համար: Ջրի ֆիզիկաքիմիական հատկությունները շարունակելու ենք ուսումնասիրել կրթահամալիրում Մարգարա դպրոցի սովորողների հետ`  նմուշ վերցնելով Զանգվի ջուրը: Փորձերից հետո, մի փոքր ընդմիջեցինք և անցանք մեր հաջորդ կետին` բլոգուսոցմանը:
 Այս անգամ մեզ օգնեցին ավագ դպրոցի 9-րդ դասարանցիները, իսկ կրտսերները, որ վաղուց ուզում էին խաղալ ֆուտբոլ, վերջապես գնացին մրցելու / կարծում եմ, չէին մոռացել իրենց նախորդ խաղը` 7:1 պարտությունը/ :
Մարգարա դպրոցի  սովորողները ավելի հմուտ էին դարձել բլոգում աշխատելու հարցում, կարողացան  տեղում 
նյութեր թողարկել իրենց միասնական բլոգում`  օրվա ֆոտոպատում, Եվս մեկ հանդիպում վերնագրով,    իսկ  Մարինե Ամիրջանյանի հաշվետվության մեջ  կարող եք լսել Մարիամ Խաչանյանի հարցազրույցը տեղի բնակիչներից, տնօրենից և սովորողներից:  
Հասցրեցինք նաև նախապես նկարահանված փորձերը մոնտաժել Wondershare Video Editor  ծրագրով: Արդյունքում ունեցանք առաջին, համատեղ տեսադասը` նկարահանումը, մոնտաժը ` Մարգարա դպրոցի սվորողների, օգնեց` Կարինե Խառատյանը:
Աշխատանքը կարող եք տեսնել այստեղ...














четверг, 27 апреля 2017 г.

26.04.2017թ.Հաշվարկներ Զանգվի ափին

Ապրիլի 26-ին,   Հրազդան-Զանգու  նախագծի շրջանակներում մի խումբ  4-5-րդ դասարանցիների, դասավանդողների հետ ուղևորվեցինք   Հրազդանդանի կիրճ: Բոլորին հետաքրքրում էր այգի տանող երկար ու ձիգ երկու թունելները:
Երբ մտանք  թունել,  ֆիքսեցինք ժամանակը, յուրաքանչյուր սովորող փորձեց մինչև թունելի վերջ հաշվել իր  կատարած քայլերի քանկը: Սովորողները փորձեցին նախապես գուշակել քայլերի թիվը, բայց ոչ ոք չէր էլ  պատկերացնում,  թե որ որքան երկար է թունելը: Ամենահամբերատար սովորողը` Բագրատը (4-3 դասարան)  ութ րոպե հաշվեց իր քայլերի թիվը, ստացավ 720 քայլ, չափեցինք մեկ քայլի երկարությունը `40 սմ, ստացանք թունելի երկարությունը:
40x720=28800սմ=288մ
Բոլոր հաշվարկները կատարել ենք մոտավոր:
Համեմատեցինք  այն  այլ սովորողների քայլերի թվի հետ, պարզեցինք,որ  ովքեր բարձրահասակ էին Բագրատից` օրինակ` Արշակը, ավելի քիչ քայլ էր արել, Բագրատից ցածրահասակները:
Զանգվի ափին կանգնած, հետևելով գետի հոսանքին, մի պահ երևակայեցինք, որ ունենք նավակ և  նավարկում ենք գետի հոսանքով, Նատալին (4-3 դասարան),որ շատ է սիրում ճանապարհի վերաբերյալ խնդիրներ լուծել, միանգամից գլխի ընկԱվ, որ հոսանքի ուղղությամբ նավակի արագությունը կմեծանա, իսկ հակառակ ուղղությամբ` կփոքրանա:
Կային երեխաներ, որ բնության գրկում` ընկեր Մարինեի հետ, փոքրիկ պատմություններ, բանաստեղծություններ էին հորինում Զանգվի մասին:
Ստեղծագործելով, հաշվելով, պատմելով վերադարձանք դպրոց :
Նախագիծը շարունակվում է...










пятница, 21 апреля 2017 г.

26.04.2017-ճամփորդություն


Հրազդան-Զանգու

Համատեղ նախագիծ-Մարինե Ամիրջանյան, Իվետա Ջանազյան, Լիանա հակոբյան
20170401_123920
Նախագծի մասնակիցներ՝ Արևելյան դպրոցի 4-րդ դասարանցիներ
Նախագծի նպատակը՝ առաջին հերթին հայրենաճանաչողությունը, հայրենիքի հանդեպ սերը ծնվում է հենց հայրենիքը ճանաչելուց: Իսկ հայրենիքը մեր սարերն ու ձորերն են, մեր գետերն ու լճերն են, մենք ենք ու մեր շրջապատը… Ահա թե ինչու է այդքան կարևոր ու կարևորվում հայրենագիտական ճամփորդությունները կրթահամալիրում: Դասագրքեր ու քարտեզներ սերտելով հայրենիքը քոնը չի դառնա, պետք է ճամփորդել, շոշափել, տեսնել, զգալ ու բացահայտել: Ինչպես ասում են՝ ավելի լավ է մեկ անգամ տեսնել, քան հազար անգամ լսել:
Այնուամենայնիվ շատ կարևոր է, որ ճամփորդությունից առաջ կարդալ, տեղեկանալ այն վայրերի մասին , ուր գնում ես: Իսկ մնացած բացահայտումներն արդեն տեղում:
Ճամփորդությունից հետո արդեն համեմատել տեղանքի մասին եղած տեղեկությունները ստացած, դիտարկած տեղեկությունների հետ, հարստացնել համացանցը տեղանքի վերաբերյալ նոր տեղեկություններով:
  • ծանոթացում Հրազդան գետի տարբեր հատվածներին, համեմատում
  • տարբեր ինֆորմացիոն աղբյուրներից՝ համացանց, դասագիրք, գեղ. գրականություն, Հրազդան գետի մասին տեղեկությունների դուրսբերում, համեմատում` Հրազդան գետը համացանցում և իրականում
  • էկոլոգիական մասով` մաքրման աշխատանքներ
  • Զանգուն` Հրազդանում. Վանատուր, Ջրառատ, Սոլակ, Բջնի, Արզաքան գյուղերով հոսող Զանգուն
Ճամփորդությունները անհատին տալիս են այնպիսի որակներ ու հմտություններ, ինչպիսիք են՝ դժվարությունների հաղթահարում, ընկերասիրություն, կողմորոշվելու ընդունակություն, շրջակա միջավայրի հանդեպ վերաբերմունք…
Անհրաժեշտ իրեր
  • սպորտային հագուստ
  • սնունդ, ջուր
  • ֆոտոխցիկ
  • արևային ակնոց, գլխարկ
  • ձեռնոցներ
  • ստեղծական տրամադրություն
Նախագծի ընթացքը`
  •  մաքրման աշխատանքներ
  • գրական ընթերցումների կազմակերպում
  • ֆոտո և նկարչական պլեներներ
  • ստեղծագործական աշխատանք` ներշնչման աղբյուրը Զանգուն. ակրոստիքոսներ, լիմերիքներ նվիրված գետին
  • Մաթեմատիկական խաղ-մրցույթներ, բանավոր հաշվարկ
Նախագծի արդյունքը
  • տեսանյութեր և ռադիոնյութեր
  • պատումներ
  • ֆոտոշարեր
Համագործակցություն Իվետա Ջանազյանի հետ
Նախագծի պատասխանատուներ՝ Լիանա Հակոբյան, Մարինե Ամիրջանյան
Լուսանկարը՝ Իվետա Ջանազյանի

воскресенье, 16 апреля 2017 г.

ՄԱԹԵՄԱՏԻԿԱ+ԱՆԳԼԵՐԵՆ

ՄԱԹԵՄԱՏԻԿԱ + ԱՆԳԼԵՐԵՆ
Արևելյան դպրոց, 5-րդ դասարան:

Առաջադրանքների փաթեթը տես` այստեղ:

суббота, 15 апреля 2017 г.

«Մաթեմատիկական խաղ- մրցույթ» նախագիծը շարունակվում է...

Մաթեմատիկական ֆլեշմոբի մեկնարկից հետո սկսվեց «Մաթեմատիկական խաղ- մրցույթ» նախագիծը, որին   մասնակցում  են մաթեմատիկական ֆլեշմոբի ժամանակ   առավել բարձր միավոր հավաքած սովորողները:
Նախագծի  առաջին փուլը   կայացավ Արևելյան դպրոցում, որտեղ  մրցում էին կրթահամալիրի 4-5 րդ դասարանցիները` լուծելով նախապես ընտրված 10  ոչ ստանդարտ լուծում ունեցող խնդիրներ: Այնուհետև, սովորողների խնդրանքով,  փոխեցինք նախագծի կանոնները և    բոլոր մաթեմատիկական  մրցույթներն   անցկացնում ենք  բանավոր, յուրաքանչյուր անգամ ընտրելով կրթահամալիրի որևէ դպրոց - պարտեզ:
Կրթահամալիրում աշխատող   մաթեմատիկայի դասավանդող` Գևորգյան Գևորգի նախաձեռնությամբ,   առաջարկ եղավ  թիվ  174 հիմական դպրոցում անցկացնել հերթական «Մաթեմատիկական խաղ- մրցույթ»-ը:  Կրթահամալիրից մասնակցեց լավագույն 11 հինգերորդ դասարնցի:  Մրցույթի բոլոր փուլերում մեր սովորողները  ցուցաբերեցին բարձր ցուցանիշ, հաշվում և տրամաբանում էին միասնական:
Ընկերանալով համար 174 դպրոցի սովորողների` իրենց մրցակիցների հետ, նրանք պատմեցին կրթահամալիրում  անցկացվող ֆլեշմոբերի մասին:
Ջերմ-ջերմ բարևներ բերեցին այժմ այնտեղ աշխատող` Խաչատրյան Արմինեից:
Համատեղ  «Մաթեմատիկական խաղ- մրցույթ» նախագիծը շարունակվում է, ակնկալում ենք  հանդիպումներ նաև այլ դպրոցի սովորողների հետ:

Նկարները` Գևորգ Գրիգորյանի




четверг, 6 апреля 2017 г.

Անակնկալ


Անակնկալ տիար Բլեյանին
 1000-րդ գիր

Հազար ու մի թիվ
Հազար ու մի գիր

суббота, 1 апреля 2017 г.

Գարնանային ճամբարի հաշվետվությունը

Ապրիլի 27-31

Երկուշաբթի
10:00-11:00
Շրջակա միջավայրի մաքրում
11:00-12:00
Ուսումնական կաբինետնի մաքրություն
12:00-12:30 ընդմիջում
12:30-13.00
Մասնգիտական զարգացում-math-o-mir ծրագրի ուսումնասիրում
13:00-14:00
Ինքնակրթություն-բատիկա

Երեքշաբթի
10:00-11:00
Շրջակա միջավայրի մաքրում
11:00-12:00
Ուսումնական կաբինետնի մաքրություն
12:00-12:30 ընդմիջում
12:30-13.00
Մասնգիտական զարգացում-math-o-mir ծրագրի ուսումնասիրում
13:00-14:00
Ինքնակրթություն-բատիկա

Չորեքշաբթի-Կրթական փոխանակումների նախագծեր
Համագործակցություն Մարգարա գյուղի միջնակարգ դպրոցի սովորողների հետ:
Հինգշաբթի
10:00-11:00
Շրջակա միջավայրի մաքրում
11:00-12:00
Ուսումնական կաբինետնի մաքրություն
12:00-12:30 ընդմիջում
12:30-13.00
Հեռավար աշխատանք 4-5-րդցիների հետ
13:00-14:00
Աշխատանք քոլեջում

Ուրբաթ
10:00-12:00
Շրջակա միջավայրի մաքրում
12:00-12:30 ընդմիջում
12:30-13.00
Մասնգիտական զարգացում-մաթ.ընտրության պարապմունքների ժողովածուի պատրաստում
13:00-14:00
Աշխատանք քոլեջում